Bergantiños Noticias da Mesa

A Mesa pola Normalización Lingüística de Bergantiños denuncia a exclusión do galego na sinalización vertical do parque empresarial da Laracha

Xosé Mª Cotelo, responsábel da zona de Bergantiños da Mesa, rexistrou un escrito no Concello para solicitar a modificación dos rótulos co fin de que non exclúan a nosa lingua propia.

A Mesa mantén a súa actividade grazas ás socias e socios.
Colabora connosco asociándote

A Mesa pola Normalización Lingüística de Bergantiños denunciou a exclusión e marxinación do galego en toda a sinalización vertical do parque empresarial da Laracha, na que até en trinta e sete ocasións “CALLE” substitúe a “RÚA”.

Xosé Mª Cotelo, responsábel da Mesa pola Normalización Lingüística na zona de Bergantiños, considerou inaceptábel que no Concello da Laracha “se dean estas situación de exclusión e marxinación da nosa lingua propia na sinalización das nosas vías ao tempo que se se incumpre a lexislación creada para promover e normalizar o uso da lingua galega”.

A Mesa denunciou que o Concello está a incumprir a actual lexislación en materia lingüística, que recoñece a necesidade de impulsar a normalización lingüística desde as distintas administracións galegas, incluída tamén a administración local. O propio Estatuto de Autonomía, aprobado hai xa máis de trinta anos, estabelece que o galego é a lingua propia de Galiza e insta a que os poderes públicos garantan “o uso normal e oficial dos dous idiomas” e potencien “o emprego do galego en todos os planos da vida pública”.

Neste sentido, A Mesa de Bergantiños solicitou a modificación de todos os rótulos para que figuren escritos na lingua propia de Galiza.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis