Noticias da Mesa

O Ministerio de Xustiza utiliza topónimos deturpados

Chegou á Mesa pola Normalización Lingüística unha nova queixa con motivo dunha nova deturpación da toponimia galega. Neste caso, foi o Ministerio de Xustiza o que nun dos seus informes refírese á Coruña como “La Coruña”

A Mesa mantén a súa actividade grazas ás socias e socios.
Colabora connosco asociándote

A deturpación constante da toponimia non se pode consentir en ningún caso e menos por parte dun organismo público que, precisamente por ser o de xustiza, debe ser o primeiro en cumprir escrupulosamente a legalidade.

Xa pasaron máis de trinta anos despois de que a Lei de normalización lingüística recoñecese que a única forma oficial e correcta a todos os efectos de denominar os nosos nomes de lugar é a orixinal, isto é, a galega. Desde a Mesa lembraron que nos últimos anos se multiplicaron as queixas que reciben polo uso incorrecto de topónimos por parte do Goberno, administracións e empresas públicas, unha cuestión que debería estar superada desde o ano 83. Denuncian que a deturpación da nosa toponimia está motivada e impulsada ideoloxicamente desde o propio Goberno, que se nega a aceptar a diversidade lingüística e cultural do Estado renegando da lexislación e os consensos democráticos acadados entre todas e todos.

Segundo o artigo 10.1 da Lei 3/1983, do 15 de xuño, de normalización lingüística  “os topónimos de Galiza terán como única forma oficial a galega”. Ao mesmo tempo, outra lei que ampara o uso correcto da toponimia é a Lei 2/1998, do 3 de marzo que di no seu artigo 1 que “a  actual provincia denominarase oficialmente A Coruña”.

A Mesa criticou a “pasividade vergoñenta e cómplice da Xunta e da súa Secretaría Xeral de Política Lingüística”, que ollan estas noticias sen abriren a boca e “incumpren tamén a súa obriga legal de protexer o noso patrimonio toponímico”. Neste sentido, o presidente da Mesa, Marcos Maceira, pediu ao secretario xeral de Política Lingüística que explique á sociedade galega o que está a facer para garantir de que se cumpra a Lei de normalización lingüística, de algo tan básico como que nos chamen polo noso propio nome.

A Mesa mantén a súa actividade grazas ás socias e socios.
Colabora connosco asociándote

Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis