Que facer para recibirmos notificacións en galego?

O pasado 5 de abril facíase pública unha sentenza do Tribunal Superior de Xustiza de Galiza pola que se obrigaba a Facenda a retrotraer ao inicio unha serie de acción cometidas contra un cidadán que reclamara ser notificado en galego en todo o proceso. Esta sentenza, gañada a través dos servizos xurídicos da Mesa pola […]

O pasado 5 de abril facíase pública unha sentenza do Tribunal Superior de Xustiza de Galiza pola que se obrigaba a Facenda a retrotraer ao inicio unha serie de acción cometidas contra un cidadán que reclamara ser notificado en galego en todo o proceso.

Esta sentenza, gañada a través dos servizos xurídicos da Mesa pola Normalización Lingüística, obriga ás Administracións a garantir o dereito á atención en galego e ademais terán que o facer sempre que fosen previamente advertidas. Este dereito está previsto no artigo 15.1 da Lei 39/2015 que regula o procedemento administrativo común das administracións públicas, coa advertencia de que o seu incumprimento constitúe unha vulneración dun dereito do administrado que comporta a nulidade dos actos adminitrativos que teñan lugar tras a devandita vulneración.

Para que nos atendan en galego temos que solicitalo expresamente. Se a atención é oral, debemos solicitarllo á empregada pública se non o fai de oficio. Se se trata dun procedemento ante unha administración do estado, tanto incoado de oficio como á nosa instancia, deberemos solicitalo expresamente á menor oportunidade, deixando claro que exercemos o noso dereito á escolla lingüística.

Por isto, desde a Mesa pola Normalización Lingüística animamos a cubrir o formulario dispoñíbel nesta ligazón e envialo a todas as administracións (nomeadamente as do Estado: facenda, tráfico, seguridade social…), gardando copia por se for necesario empregala para calquera reclamación posterior. Temos que ser constantes e manternos firmes na defensa do noso dereito, pois non sempre é respeitado adecuadamente o noso dereito á escolla lingüística que nos asiste como administrada, sempre cun sorriso e nunca perder a paciencia.

Mais se se comete a vulneración do noso dereito, poderemos demandar asistencia e asesoramento legal á Liña do Galego, un servizo gratuíto que presta A Mesa pola Normalización Lingüística.

O TSXG obriga a Axencia Tributaria a garantir o uso do galego

A Mesa pola Normalización considera “histórica” a sentenza emitida o 4 de abril de 2022 polo Tribunal Superior de Xustiza de Galiza, declarando nulos os actos administrativos efectuados pola Axencia Tributaria en castelán, despois de que un cidadán galego manifestase querer ser atendido na súa lingua, e ordenando retrotraer as actuacións ao momento anterior á […]

A Mesa pola Normalización considera “histórica” a sentenza emitida o 4 de abril de 2022 polo Tribunal Superior de Xustiza de Galiza, declarando nulos os actos administrativos efectuados pola Axencia Tributaria en castelán, despois de que un cidadán galego manifestase querer ser atendido na súa lingua, e ordenando retrotraer as actuacións ao momento anterior á vulneración do seu dereito á escolla lingüística.

O éxito xudicial acadado polos servizos xurídicos da Mesa, dirixidos por Elsa Quintas, supón un reproche á Axencia Tributaria por eludir a vontade inequívoca do administrado a que se comunicasen con el na lingua galega e por baleirar, así, de contido o dereito á escolla lingüística que asiste a cidadanía galega. O Tribunal ten en conta a dilixencia despregada polo administrado a requirirlle á AEAT que lle notificase en galego e ordena a suspensión dos prazos das comunicacións efectuadas en lingua diferente á escollida mentres o ente tributario non cumpra a súa obriga de llas notificar en lingua galega.

Quintas recorda que a Axencia Tributaria ignorara en cada un dos procedementos incoados de oficio as reiteradas solicitudes do cidadán de que lle notificasen en galego as comunicacións e considera un verdadeiro éxito “que o Tribunal Superior de Xustiza de Galiza non convalide o pretexto do ente tributario de que se trata de procedementos desconectados entre si”. O TSXG establece, expresamente, na sentencia que “a Administración non pode ampararse nunha división do procedemento para impedir a eficacia do dereito exercitado polo obrigado tributario”.

O Tribunal Superior de Xustiza de Galiza responsabiliza, así, a administración tributaria por non artellar un mecanismo de coordinación dos diferentes órganos que garanta o dereito á escolla lingüística do cidadán, sen necesidade de ter que reiteralo en cada procedemento. Quintas destaca, tamén, que os servizos xurídicos da Mesa puxeron especial empeño ao requirir do Tribunal que o procedemento xudicial se seguise en galego, conseguindo que o TSXG se pronunciase tamén nesta lingua, contribuíndo e avanzando na normalización lingüística da administración de xustiza.

O cidadán afectado, Xurxo Martínez González, director do Servizo de Normalización Lingüística de Redondela, celebra nas súas redes sociais a resolución da loita xudicial que mantivo durante catro anos, acompañado polos servizos xurídicos da Mesa, calificando a sentenza de “verdadeiro triunfo para o idioma galego” e afirmando que “os dereitos (incluso dentro do actual marco) deben ser exercidos até as últimas consecuencias” e que “gañando espazos legais e exercendo dereitos podemos consolidar un stataus de normalidade para o noso idioma”.

As persoas que o desexen poden porse en contacto coa Liña do Galego e manifestar as súas queixas ou dúbidas a través do número 981 563 885, do correo-e linhadogalego@amesa.gal  ou da app A Liña do Galego.

Convocatoria asemblea xeral da Mesa 2022

A asemblea xeral de socias e socios da Mesa pola Normalización Lingüística  terá lugar o sábado 30 de abril ás 10:00 h. en primeira convocatoria, 10:30 h. en segunda, no centro sociocultural sito na praza Aurelio Aguirre de Conxo, Santiago de Compostela coa seguinte orde de traballos: Debate e aprobación do regulamento da asemblea xeral. […]

A asemblea xeral de socias e socios da Mesa pola Normalización Lingüística  terá lugar o sábado 30 de abril ás 10:00 h. en primeira convocatoria, 10:30 h. en segunda, no centro sociocultural sito na praza Aurelio Aguirre de Conxo, Santiago de Compostela coa seguinte orde de traballos:

  1. Debate e aprobación do regulamento da asemblea xeral.
  2. Lectura e aprobación da acta da asemblea anterior.
  3. Admisión e ratificación de altas e baixas.
  4. Exposición e aprobación do informe de xestión.
  5. Exame e aprobación do informe económico do exercicio pasado.
  6. Exposición e aprobación da liña de actividades para o próximo ano.
  7. Debate e aprobación do orzamento para o próximo exercicio.
  8. Rogos e preguntas.

No caso de teres interese en recibir máis información sobre a proposta de regulamento, por favor solicítao por correo-e a amesa@amesa.gal e serache enviado por ese mesmo procedemento.

Se queres participar no xantar que vai haber despois da asemblea, ponte en contacto connosco chamando ao local 981563885 ou enviando un correo a amesa@amesa.gal

 

Hemeroteca | «Hai que falar en galego, falalo ben e dinamizalo» . Entrevista a Antía Cal na revista Longa Lingua

  O pasado 30 de marzo deixábanos Antía Cal, mestra e licenciada en Xeografía e Historia, e fundadora da escola Rosalía de Castro de Vigo, pioneira no uso do galego no ensino, un eido no que impulsou prácticas renovadoras grazas ás súas viaxes a Europa e ao contacto co colectivo Rosa Sensat de Cataluña. Rescatamos […]

 

O pasado 30 de marzo deixábanos Antía Cal, mestra e licenciada en Xeografía e Historia, e fundadora da escola Rosalía de Castro de Vigo, pioneira no uso do galego no ensino, un eido no que impulsou prácticas renovadoras grazas ás súas viaxes a Europa e ao contacto co colectivo Rosa Sensat de Cataluña.

Rescatamos da hemeroteca da Mesa esta entrevista que lle fixemos no ano 2007 para a revista Longa Lingua. Unha conversa na que Antía Cal explícanos desde a súa relación co galego até os “pequenos” atrancos que atopou na súa vida por ser muller. Unhas problemáticas que desgraciadamente seguen moi presentes na actualidade e que pouco mudaron dende que Antía Cal comezou a dar clase.

Nesta conversa, ademais das súas experiencias como educadora, Antía Cal repasa os capítulos bos e non tan bos na súa vida: o amor polo seu marido, o médico galeguista Antón Beiras, e o seu tráxico falecemento, no ano 1968, a infancia en Cuba, a súa loita para conseguir estudar na Universidade… Ademais do seu home, chama a atención a cantidade de persoas extraordinarias que se cruzaron no camiño de Antía, e pasaron a formar parte da súa extensa nómina de amigos. Algúns son coñecidos e recoñecidos pola sociedade: Celso Emilio Ferreiro e a súa dona Moraima; Xosé Neira Vilas e Anisia Miranda; Valentín Paz-Andrade, Marta Mata, Ramón María Aller… Outros, máis alleos aos medios de comunicación, como Lina Carvajal, Dorothy Coombe ou Mister Mann.

 

A Mesa duplicou en 2021 o número de queixas recibidas por vulneracións de dereitos lingüísticos da cidadanía galega

Marcos Maceira, presidente da Mesa pola Normalización Lingüística; Celia Armas, Secretaria xeral da Mesa; e María Muíño, deputada de Lingua da Deputación da Coruña, presentaron esta mañá na Coruña o informe anual da Liña do Galego correspondente ao 2021. Segundo recolle dito informe, que se pode consultar nesta ligazón, ao longo do pasado ano, a […]

Marcos Maceira, presidente da Mesa pola Normalización Lingüística; Celia Armas, Secretaria xeral da Mesa; e María Muíño, deputada de Lingua da Deputación da Coruña, presentaron esta mañá na Coruña o informe anual da Liña do Galego correspondente ao 2021. Segundo recolle dito informe, que se pode consultar nesta ligazón, ao longo do pasado ano, a entidade de defensa da lingua tramitou a través de chamadas, correos electrónicos e da app da Liña do galego un total de 601 expedientes, dos que 488 foron queixas, 55 foron consultas e 58 foron parabéns.

As administracións públicas e, nomeadamente o Sergas, acumulan o maior número de queixas tramitadas pola Mesa. A secretaria xeral da entidade, Celia Armas explicou que, en xeral, “é no ámbito da administración onde a cidadanía é máis consciente da existencia dunha normativa que ampara os seus dereitos lingüísticos, polo que tolera menos a súa vulneración”. Porén, Armas sinalou que “no sector privado aínda hai moito por avanzar, for no campo lexislativo, for na responsabilidade de atención digna que deben asumir as empresas”.

Neste sentido, a secretaria xeral da entidade de defensa da lingua denunciou que as empresas que máis queixas rexistraron o 2021 foron Naturgy, Ikea, Gadis, Google, Endesa e o Centro Comercial Vialia. A maioría destas queixas derivan da falta de atención oral e escrita en galego, da sinalización e rotulación dos establecementos exclusivamente en español e da deturpación de toponimia galega nas comunicacións escritas e nas páxinas web das empresas.

Armas destacou algúns dos éxitos acadados despois da actuación da Liña do galego, como o feito de que Milanuncios corrixise o topónimo deturpado da Coruña, o ximnasio Be One o de “Las Lagunas” por As Lagoas e Lidl o de Vilagarcía de Arousa. Ademais, Abanca comprometeuse a poñer a disposición de quen o solicite a documentación requirida en galego e a a plataforma é-saúde da Consellería de Sanidade comezou a abrirse, por defecto, en Galego.

O obxectivo do servizo A Liña do Galego é “romper a normalidade e impunidade da exclusión do galego”. Denunciar, reclamar, actuar son neste momento as únicas ferramentas que ten a sociedade galega, así como animar a actitude de quen cumpre co galego moitas veces sen axuda nin recoñecemento. Neste sentido, Armas recordou o incumprimento de acordos e lexislación nacionais, estatais e internacionais en relación á lingua e que “fronte ás 500 normas que amparan o castelán, as poucas a favor do galego non se aplican”. “A utilidade da Liña”, concluiu a secretaria xeral da Mesa, “demóstrase no incremento de casos resoltos mais tamén en que xa é un informe de referencia para institución da importancia do Consello de Europa ou o relator da ONU para os dereitos das minorías”.

Pola súa banda, o presidente da Mesa, Marcos Maceira, insistiu na grande importancia de exisitir un servizo como A Liña do Galego, único das súas características em Galiza e que só conta coa axuda da Deputación da Coruña. “A medida que o servizo se consolida aumentan as queixas”, explicou, indicando que “a Liña é o único recurso de moitas persoas contra a frustacións, as ofensas continuas e o maltrato a persoas que o único que queren facer é vivir en galego con toda a normalidade posíbel”. “Con máis apoio público, directo ou indirecto”, advertiu, “poderiamos actuar máis e conseguiriamos que as agresións lingüísiticas fosen menos”. “En calquera caso”, rematou, “o que presentamos no informe é unha mostra mínima do que acontece en Galiza co galego, temos a certeza de que hai miles de casos semellantes mais só nos chega unha parte pequena”.

“Hai quen ten interese en reducir o galego ás mínimas posibilidades de uso e ás veces nen sequera ao ámbito privado”, denunciou Maceira, en referencia ao caso de agresión física padecida por unha muller en Lugo a semana pasada. “Tamén hai quen se preocupa de que o galego non sexa útil nin sequera nos espazos que a sociedade foi recuperando para o galego”, lamentou.

Como exemplo de negación do dereito ao uso do galego con repercursión noutros dereitos como a saúde ou a información, Maceira lembrou o caso do viciño de Rianxo ao que a Delegación do goberno sancionou con 601€ por reclamar ser atendido en galego antes de entrar a un cribado Covid. “O pior deste caso”, sinalou o presidente da Mesa, “é o desprezo mostrado por quen ten a obriga de garantir os dereitos democráticos por estes mesmos dereitos”. “Como pode pasar en 2022 que a policía desinforme ou minta a un cidadán sobre o dereitos aos que se pode acoller e o goberno dea por válida esta actuación multando ademais a quen debería defender?”, pregúntase o responsábel da entidade de defensa da lingua. “A resposta deuna un dos policías de Rianxo e é válida para os 480 casos que tramitou a Liña do galego”, asegura: “Quen somos para reclamar atención en galego. Estamos en España!”

“Debemos sinalar a importancia” asegurou María Muíño durante a súa intervención “que a Liña do Galego para canalizar e visibilizar as queixas ao respecto da vulneración dos nosos dereitos lingüísticos, máis tamén como ferramenta para transformar e mudar a realidade”. Neste sentido, a deputada de Normalización Lingüística cualificou a Liña do Galego como “un proxecto necesario, singular e excepcional” e anunciou que o seu departamento continuará co apoio a esta iniciativa en 2022 ao estar xa aprobada tamén a partida orzamentaria en pleno -concretamente 34.000 euros dun orzamento total de 42.500, o que supón o 80%-.

Na imaxe: Celia Armas, María Muíño, Marcos Maceira e Leo Rei.

A delegación do goberno teima en aplicar a lei mordaza para sancionar un cidadán que reclamou ser atendido en galego

A Mesa pola Normalización denuncia que a delegación do goberno español en Galiza teima en aplicar a “lei mordaza” para sancionar un cidadán que reclamou ser atendido en galego e non só recibiu unha negativa rotunda a ser atendido na nosa lingua, senón que mesmo se lle chegou a negar a realización unha proba diagnóstica […]

A Mesa pola Normalización denuncia que a delegación do goberno español en Galiza teima en aplicar a “lei mordaza” para sancionar un cidadán que reclamou ser atendido en galego e non só recibiu unha negativa rotunda a ser atendido na nosa lingua, senón que mesmo se lle chegou a negar a realización unha proba diagnóstica da Covid19, por este motivo. Perante a súa indignación, interveu a Policía Local que, lonxe de recoñer o lexítimo dereito deste cidadán a ser atendido en galego, recolleu no informe policial que o instaron a mudar de lingua e empregar o castelán, xa que “o persoal sanitario non tiña a obrigación de falarlle galego”.

O ataque aos dereitos democráticos que se produciu o pasado mes de abril de 2021 en Rianxo continúa agora, na resolución sancionadora por parte da delegación do goberno, que só recoñece como válida a declaración policial e descartando a validez das testemuñas presentes, por manteren unha “relación de veciñanza” coa vítima da vulneración dos dereitos lingüísticos.

“Para a Mesa pola Normalización Lingüística”, segundo indica o seu presidente, Marcos Maceira, “é especialmente grave que o Goberno español dea absoluta validez a un expediente policial onde se afirma sen rubor que o dereito á atención en galego non existe e que se dea por válida unha actuación baseada na negación dese dereito que resulta na sanción á vítima da actuación policial”. Maceira anuncia que a entidade de defensa da lingua instará o ministro do Interior a “abandonar toda hostilidade contra o galego, comezando por informar e desenvolver unha campaña de prevención e formación nos dereitos lingüísticos entre as forzas e corpos de seguridade”.

“En calquera sociedade democrática”, recorda Maceira, “os corpos policiais están sometidos ao cumprimento da lei e á garantía dos dereitos cidadáns”. “Porén”, explica, “neste caso, a delegación do goberno pasa por alto os mesmos feitos que considera probados e que confirman que con este cidadán se incumpriron os artigos 74.s) da Lei 2/2015 do emprego público de Galiza; o art. 51 que define os requisitos lingüísticos do funcionariado, que debe coñecer a lingua; o artigo 54.11 do Real Decreto Lexislativo 5/2015 de 30 de outubro, polo que se aproba o texto refundido da Lei do Estatuto Básico do Empregado Público. Na realidade que non quere ver o goberno español estamos perante un caso moi grave de discriminación por motivo de lingua en virtude do art. 185.1.b) da mesma Lei 2/2015, o que é unha falta moi grave e pode levar consigo a inhabilitación para a función pública”.

A Mesa pola Normalización Lingüística farase cargo da defensa deste cidadán e dos possíbeis gastos que dela se deriven, incluída a multa, no caso de non prosperaren os recursos na fase administrativa, e as acción xudiciais pertinentes. Ademais, a entidade de defensa da lingua porá o caso en coñecemento do Consello de Europa e do Consello de dereitos humanos da ONU, na medida em que afecta ao cumprimento da Carta Europea das línguas e aos dereitos civís.

O traballo que desenvolve a Liña do Galego de tratamento, asesoramento, difusión e atención das queixas ten conseguido nos últimos meses que se emendaran algúns comportamentos e políticas lingüísticas de empresas e administracións públicas, como o actual cambio na aplicación É-Saúde, a App Radar Covid, os parquímetros da zona ORA do Concello de Vigo, a aprobación da ordenanza de normalización lingüística do Concello da Coruña ou os informes emitidos polo Consello de Europa.

As persoas que o desexen poden porse en contacto coa Liña a través do número 981 563 885, do correo-e linhadogalego@amesa.gal  ou da app A Liña do Galego.

Homenaxe a Carvalho Calero en Ferrol

O Concello de Ferrol homenaxeará esta quinta feira (xoves) 24 de marzo a Ricardo Carvalho Calero no 50 aniversario do seu nomeamento como catedrático de Lingüística e Literatura Galega. Unha iniciativa que parte dunha proposta que fixo da Mesa pola Normalización Lingüística no Consello Sectorial da Lingua. A homenaxe consistirá na plantación dunha árbore no […]

O Concello de Ferrol homenaxeará esta quinta feira (xoves) 24 de marzo a Ricardo Carvalho Calero no 50 aniversario do seu nomeamento como catedrático de Lingüística e Literatura Galega. Unha iniciativa que parte dunha proposta que fixo da Mesa pola Normalización Lingüística no Consello Sectorial da Lingua.

A homenaxe consistirá na plantación dunha árbore no Campus de Ferrol o vindeiro xoves, 24 de marzo, ás 11 horas, nas proximidades da rúa Antelo, Esteiro.

Un acto de conmemoración do profesor e escritor homeaxeado no Día das Letras Galegas de 2020 e que o 20 de abril de 1986 pechou o Encontro sobre o estado actual da normalización lingüística que deu pé á creación da Mesa pola Normalización Lingüistica, coa conferencia titulada “Situaçom presente e orientaçom futura dos problemas gerais da nossa língua”.

Abertos ao Galego facilita o acceso ao dominio PuntoGal aos seus asociados

PuntoGal e a Mesa pola Normalización Lingüística acordaron unha promoción de dominios mediante a cal os establecementos adheridos ao proxecto Abertos ao Galego que aínda non teñan dominio .gal poderán facer o cambio de xeito gratuíto para eles. A entidade de defensa da lingua porase en contacto con elas en próximas datas para facerlles o […]

PuntoGal e a Mesa pola Normalización Lingüística acordaron unha promoción de dominios mediante a cal os establecementos adheridos ao proxecto Abertos ao Galego que aínda non teñan dominio .gal poderán facer o cambio de xeito gratuíto para eles. A entidade de defensa da lingua porase en contacto con elas en próximas datas para facerlles o ofrecemento e convida a aquelas que teñan maior interese a contactar directamente a través do correo-e abertosaogalego@amesa.gal.

Abertos ao Galego é un proxecto que a Mesa pola Normalización Lingüística puxo en andamento en 2008 para promover o uso do galego e darle visibilidade ás empresas que traballan en galego no seu día a día. Conta cunha aplicación para terminais Android e Apple onde están sinalados os establecementos que contan co certificado Abertos ao galego xunto a aqueles dos que temos constancia do uso do galego. PuntoGal forma parte de Abertos ao Galego e as dúas entidades colaboran noutros campos.

PuntoGal xestiona os dominios .gal. É unha entidade sen ánimo de lucro que naceu no 2006, rexistrou o seu primeiro dominio no 2014 e hoxe xa conta con máis de 6300 dominios activos. Agrupa a máis de 110 entidades galegas e entre os seus obxectivos está o fomento das novas tecnoloxías, a alfabetización dixital e o uso da lingua na rede.

COBRO DO PREMIO DA LOTARÍA DE NADAL

O día 22 de marzo remata o prazo para poder cobrar o premio da lotaría de Nadal da Mesa, por se cumpriren 3 meses desde o sorteo. Grazas pola vosa colaboración.

O día 22 de marzo remata o prazo para poder cobrar o premio da lotaría de Nadal da Mesa, por se cumpriren 3 meses desde o sorteo.

Grazas pola vosa colaboración.

A iniciativa Xabarín segue dando froitos: a Xunta e Netflix asinan un convenio para a dobraxe e lexendaxe de filmes

A Mesa pola Normalización Lingüística valora positivamente o acordo anunciado hoxe entre a Xunta e Netflix para a dobraxe e lexendaxe de máis de 60 filmes ao ano, con especial presenza de contidos infantís, un dos puntos recollidos pola Iniciativa Xabarín impulsada pola entidade de defensa da lingua, que contou co apoio de 33.000 sinaturas […]

A Mesa pola Normalización Lingüística valora positivamente o acordo anunciado hoxe entre a Xunta e Netflix para a dobraxe e lexendaxe de máis de 60 filmes ao ano, con especial presenza de contidos infantís, un dos puntos recollidos pola Iniciativa Xabarín impulsada pola entidade de defensa da lingua, que contou co apoio de 33.000 sinaturas e que concitou a unanimidade parlamentar. A proposión unánime do Parlamento Galego instaba á Xunta “a chegar a a acordos con outras administración e empresas co fin de garantir a opción dobrada e lexendada a galego”.

O presidente da Mesa, Marcos Maceira, lembrou esta mañá que o Parlamento galego foi o único do Estado en se facer eco da ampla demanda cidadá ante a exclusión do galego dos produtos audiovisuais, nomeadamente das grandes plataformas, que reuniu ducias de colectivos sociais, centos de estabelecementos comerciais e, finalmente, máis de 33000 sinaturas que permitiron o acordo unánime do Parlamento galego. “O conxunto da sociedade está de parabéns por ter sido o motor dun acordo útil para o galego e útil para todas as linguas do Estado”, engadiu, “o que demostra que a unidade pola lingua é o mellor axente nornalizador”.

O acordo entre a Xunta e Netflix chega en pleno debate no congreso sobre a Lei Audiovisual no que os puntos da Iniciativa Xabarín relativos ás grande plataformas estarán presentes grazas á Iniciativa polo audiovisual galego, no que participan entidades do ámbito académico, profesional, empresarial e lingüístico e que xa presentou as súas emendas aos principais grupos políticos.

“O obxectivo da Iniciativa Xabarín era que o audiovisual deixase de ser un ermo para o galego”, recordou Maceira, “e nese sentido cónstanos que está a traballar a TVG, que disponibilizará a súa plataforma audiovisual con canle xabarín este ano, e avanza o acordo da Xunta con Netflix”. “Falta que a Lei Audiovisual camiñe tamén nese sentido”, rematou o presidente da Mesa, “e niso está a traballar a Mesa conxuntamente coas entidades dos sector e cos partidos políticos”.

Doazóns

Realiza unha achega económica puntual para axudar no funcionamento da asociación. Colabora aquí

Ler máis
Nais e Pais polo Ensino en Galego

Colectivo constituído por un grupo de persoas preocupadas pola inexistencia de oferta educativa en galego e polo escaso valor social que segue a ter a nosa lingua. Saber máis

Ler máis
Observatorio de Dereitos Lingüísticos

Membros da xudicatura, da avogacía, sociolingüístas, docentes universitarios e profesionais do Dereito, sensibilizados co a lingua galega. Saber máis

Ler máis
Fundación Vía Galego

Fomentar o intercambio cultural cos outros territorios pertencentes ao sistema linguístico galego-portugués. Saber máis

Ler máis